حوار البطاطا ..

حوار البطاطا ..

و انتخابات الشيوخ ..

بعد ماكان اسمه مجلس الشورى ..

بقى اسمه مجلس الشيوخ ..

يعنى اللى هينجح فى الانتخابات القادمه ..

هيبقى اسمه شيخ ...

من غير ما يربى دقنه ولا يتعب نفسه ..

ومن هنا ورايح مينعش تقول لاى حد ياشيخ ..

الا ان كان عضو فى مجلس الشيوخ ..

كدا بقى شيخ رسمى...

طبعا فيه ناس داخله ..بدقنها جاهزه ..

ولسان حاله ..(انا شيخ اهو يا جماعه ..خدونى معاكوا )..

و انا معنديش مانع خالص ..

بس كمان انا حاسبها كويس ..

انت داخل هتاخد فى الشهر يا عم الشيخ من (30-40) الف جنيه فى الشهر

والسنه 12شهر ..فى ست سنوات مدة الدوره ..

يعنى مبلغ مش بطال ..

دا غير المزايا التانيه اللى انا وانت عارفنها كويس ...

فا يا ابن الحلال خلى فى عينك حصوة ملح زى مابيقولوا ...

مش هوضح اكتر من كده ..

انت مش داخل هتعمل اللى محدش عمله ..

وتصوير القرارات والخطط بتاعة الحكومة برصف الطرق من مكاتب المحافظه وتنسبها لنفسك زى ما اخواتك التانين بيعملوا ..لو خال على الناس الغلابه مش هيخيل عليا ..فبلاش نعملهم على بعض ..

ونصيحة لكل دلدول لمرشح فى اى عزبه او بلد ...ياريت متكنش دلدول ببلاش ..زى ما هتستنفع ..نفع غيرك ..

طبعا فى حد هيسألنى ايه علاقة البطاطا بالموضوع ..

انا طبعا مش عارف ..

بس كنت عاوز اخد رأيكم ..بتحبوا البطاطا مشويه ولا مسلوقة ..؟؟!!

#دأنا