بين الكتب

 حوار البطاطا 2 ..🍠🍠🍠

المفاجئه فى آخر المقاله ...😘😘✍️✍️

الكل يدخل ويعلق ..

قول رايك بكل صراحة

قول اللى فى نفسك ..

حتى لو كلامى مش عجبك ..

صدقنى هبقى مبسوط منك ..

ولا يهمك شكلى ولا لونى ..

وبلاش تصنفنى ..

واتعامل مع الكلام بعيد عن شخصيتى ...

ومن غير افوره ..لان الافوره جابتنا ورا ...😋😋

اولا لازم تبقى عارف يعنى ايه مجلس الشيوخ ..

اللى كل وظيفته يوافق على قرارات الراجل الكبير ...(حبيب الكل طبعا)..

محلل يعنى ...ولو فيه شوية لبش وقلق ..يبقى الموضوع بين مجلس النواب ومجلس الشيوخ ..ويحينا ويحيك ربنا ..ويا يموت الحمار ..يا يعتقه صاحبه ...

وادينا شوفنا العينه فى مجلس النواب ..والقرارات والقوانين اللى خدها ...

فأى حد يجى يبعلك كلام من باب الخدمات وخلافة ..او احنا داخلين علشان نقلل الشر ( وهما الشر نفسه )..الكلام ده مش موجود الا فى العزب والارياف بس ..(احنا مش هنشيخ على بعض )😋

الناس فى المدن واضحه وصريحه وبتعرف تاخد اللى عاوزاه ..من غير لف ولا دوران ...

والكلام ده لكل العزب والقرى ..الناس لما بتعوز خدمه عامه بتتعاون مع بعضها ...وتعملها ..

مش سبع البرمبه هوه اللى هيجبها ...وهوه لو عارف دوره فى المجلس اللى داخله ..مكنش باع للناس الوهم ..واشتغل الناس بالكدب ...ويضحك على اللى قدامه باللى عاوزه ..ويبعله اى كلام وخلاص ..

كل بلد فيها ناس تقدر تخدم وتقدر تسعى فى الخدمات العامه ..

بس هما يسلكوا ويعرفوا ان هما مش عايشين لنفسهم واولادهم وبس ...

وان الانسان لازم يكون عنده رساله ..ولما ربنا يمن عليه بمنصب مهم يقدر يفيد بيه اهل بلده المفروض ميتأخرش ..(الحدادى مثلا )

فا احنا مش هنستنى نائب يعملنا اللى احنا عاوزينه ..ودوره لو بيفهم الرقابه على التشريعات والقوانين والموافقه عليها (ولو دكر يقول لاءه )😎

ولما بنضغط عليه ..بيصور القرارات من المحافظه وبينسبها لنفسه ..وهيه كدا كدا جايه ...

طاب نعمل ايه ...

انا مش هقولك تعمل ايه ..متخليش حد يضحك عليك ..واعرف انت بتعمل ايه ..بدماغك ...مش بدماغ غيرك ..🧐

وبلدنا لو عاوزنها احسن ...هتبقى بينا احسن ..😘

(المفاجئة) طبعا يا جماعه كان فيه شبه اجماع من المره اللى فاتت على ان البطاطا المشويه افضل من البطاطا المسلوقه ..مع ان البطاطا المسلوقه افضل من وجهة نظرى لانها اخف على المعده ..بس لانه الناس مبتحبش التغيير ..ومتعودين على البطاطا المشويه من سنين ..ونزولا على رأى الاغلبيه ..من هنا ورايح قررت أكل البطاطا مشويه ...وبالهنا والشفا ليا وليكم ..🍠🍠🍠

#دأنا

😁😁😁😁